Ny seranam-piaramanidina iraisam-pirenena Nosy Be dia manana alokaloka avy amin’ny masoandro mamatsy azy amin’ny angovo azo havaozina mandritra ny fanodinana sidina antoandro.
Tafiditra ao anatin’ny tanjona midadasika kokoa amin’ny seranam-piaramanidina Ravinala ireo alokaloka avy amin’ny masoandro ireo, izay efa niasa hatramin’ny volana marsa lasa teo, mba hirosoana amin’ny asa tsy misy fiatraikany amin’ny tontolo iainana, raha ny marimarina kokoa, mba hahazoana 35% ny fampiasana angovo azo havaozina amin’ny taona 2025 ho an’ny seranam-piaramanidina Antananarivo sy Nosy Be.
Ankoatr’izay, ny seranam-piaramanidina Nosy Be dia nahazo mari-pankasitrahana niveau 2 avy amin’ny ACA (Accreditation Carbon Airport), fandaharan’asan’ny Airports Council International (ACI) mitondra ny lohateny hoe “Reduction”, fanekena ny hetsika natao hampihenana ny entona karbônina ao amin’ny seranam-piaramanidina nanomboka ny taona 2019.
Noho ireo fotodrafitrasa avy amin’ny masoandro ireo sy ny fahafahan’izy ireo mamokatra 52kWp, dia afaka mamatsy ireo fitaovana elektrônika, mandritra ny antoandro, ilaina amin’ny fampandehanana azy ny terminal. Hampihena be ny dian-tongotra karbona isan-taona amin’ny seranam-piaramanidina izy ireo. Ny fisafidianana ireo rafitra alokaloka ihany koa dia ahafahana mampitombo hatrany ny tolotra omena ny mpanjifa sy ny mpampiasa amin’ny fanolorana toerana misy alokaloka sy voaro amin’ny orana ho an’ny fiara 20.
Io zava-bita io no mametraka an’i Nosy Be ho mpisava lalana satria ny seranam-piaramanidina ao aminy no voalohany manana fotodrafitrasa toy izany eto Madagasikara.
#Infrastructure #Innovation #CSR
